اردو کتاب
فی سبیل اللہ فساد
مذاہب عالم کی مشہور وممتاز خاتون محقق کیرن آرمسٹرانگ نے اس کتاب میں بنیاد پرستی کو اس کے تاریخی اور مذہبی پس منظر میں دیکھا ہے۔ سوال ہے کہ کیا بنیاد پرستی پرانی اور نئی دنیا کے درمیان ایک نیا تصادم ہے؟ یہودی بنیاد پرستی اور مسلم بنیاد پرستی کے محرکات اور رحجانات کا بصیرت افروز تجزیہ۔
عالمی ثقافت کی لغت
اس کتاب میں انسانی تاریخ کے تمام اہم واقعات بھی موجود ہیں، تمام دیومالائی اور تاریخی شخصیات کے تذکرے بھی ہیں اور عقائد ومسالک کا ذکر بھی ہے۔ اسی لیے “نیویارک ٹائمز بک ریویو” نے اس لغت کو بہت ہی معلوماتی، نہایت دلچسپ اور ایک نیا راستہ نکالنے والا کارنامہ قراردیا ہے۔ انسانی تہذیب کے ارتقاسے آج تک ہماری اس کائنات میں جو کچھ وقوع پذیر ہوا ہے اور جن نظریات، جن عقائد اور جن شخصیات نے انسانی تہذیب کو آج کے ترقی یافتہ دورتک پہنچایا ہے یہ کتاب ان تمام واقعات اور شخصیات سے ہمارا تعارف کراتی ہے۔
The Evolution of Devolution: A Critical Study of New LG System
یہ کتاب ان اسکالرزاور طلبہ کے لیے بہت مفید ثابت ہوسکتی ہے جو اختیارات کی تقسیم کا نئے منصوبے کے تحت قائم ہونے والی مقامی حکومتوں کے بارے میں تحقیق کرنا چاہتے ہیں۔ اس کے ساتھ ہی یہ ان عام قارئین کے کے علم میں بھی اضافہ کرے گی جو اختیارات کی تقسیم اور مقامی حکومتوں کے نئے نظام کے متعلق جاننا چاہتے ہیں۔ حکومت کے حلقوں کے لیے اس کی اہمیت یہ ہے کہ سیاسی تجزیہ کارا ور سیاسی کارکن نئے نظام کے بارے میں جو رائے رکھتے ہیں انہیں اس سے واقفیت ہوجائے گی۔
معاشی تکون کا نچلا حصہ
معاشی تکون کے سب سے اوپر دولت مند طبقہ ہوتا ہے اور سب سے نیچے غریب طبقہ۔ صنعتی اور کاروباری ادارے اپنی اشیاء کے لیے دولت مند اور متوسط طبقے کی طرف زیادہ توجہ دیتے ہیں۔ اس لیے کہ ان کے خیال میں یہی وہ طبقے ہیں جو ان کی مصنوعات کے خریدار ہیں۔ اس کتاب میں مثالوں کے ساتھ وضاحت کی گئی ہے کہ معاشی تکون کے نچلے حصے پر بسنے والے غریب بھی ان اشیاء کے صارف اور خریدار بنائے جا سکتے ہیں۔
جمہوریت کا مستقبل
کیا جمہوریت صرف الیکشن کا نام ہے کہ عام انتخابات میں جولوگ کامیاب ہوکر آئیں وہ حکومت بنالیں؟ یا جمہوریت کا کوئی اور مقصد بھی ہے؟ امریکہ کے ہفت روزہ رسالے ’’نیوز ویک‘‘ کے غیر ملکی امور کے ایڈیٹر فرید زکریا نے اس کتاب میں جمہوریت کا نیا تصور پیش کیا ہے۔ وہ کہتے ہیں اگر جمہوریت روشن خیال‘ روادار اور لبرل نہ ہوتو وہ صحیح معنی میں جمہوریت نہیں ہے۔ جمہوریت اکثریت کی آمریت کا نام نہیں ہے‘ اسے روادار وسیع القلب اور لبرل ہونا چاہیے۔ اس نظریہ کو پیش نظر رکھ کر فرید زکریا نے مشرقی اور مغربی جمہوریتوں کا تنقیدی جائزہ لیا ہے۔
مسائل فلسفہ
تعصب اور تنگ نظری کی محدود فضا سے انسانی ذہن کو نکال کر آزادی اور محبت کی وسعتوں میں لانے کے لیے فلسفیانہ تفکر کی کیوں ضرورت ہے۔ برٹرینڈ رسل کی یہ مشہور کتاب اس سمت میں ہماری رہنمائی کرتی ہے ۔ ڈاکٹر عبدالخالق سابق چیئرمین شعبہ فلسفہ پنجاب یونیورسٹی نے نہایت سلیس اور رواں اردو میں اس کا ترجمہ کیا ہے۔ فلسفہ کے طلبہ اور عام قاری کے لیے یکساں مفید کتاب۔
The True Face of Jehadis
Dealing with exclusive information and in depth analyses of the subject matter, the author has minutely profiled si leading Jehadi outfits of Pakistan — Laskahr-e-Tayyaba, Jaish-e-Moahmmad, Harkat-ul-Mujahideen, Hizb-ul-Mujahideen, Sipah-e-Sapaha and Lashkar-e-Jhangvi — their past, present and future forecast; their undertakings so far and the changing nature of their relationship with the intelligence agencies in the post 9/11 scenario. The writer explores the hidden links of these jehadi groups with al-Qaeda and with the Intelligence Services. The writer has produced a mosaic of intelligence information based on what has come to light from the Pakistani and Western sources.
گِرہ کھلتی ہے: جہاد کے دور کا پاکستان
سابق امریکی سفارتی نمائندے اور اب عالمی امور کے پروفیسر جان آر شمٹ نے اس کتاب میں پاکستان کی سیاسی اور معاشرتی تاریخ پر ماہرانہ نظر ڈالی ہے اور ان تمام شدت پسند رجحانات اور واقعات کا تفصیل کے ساتھ جائزہ لیا ہے جنہوں نے بتدریج پاکستان کو جہادی تنظیموں اور دہشت گردی کا مرکز بنا دیا۔ افغانستان میں سوویت یونین کے خلاف نام نہاد جہاد سے کشمیر میں جہادی گروہوں کی سرگرمیوں اور فرقہ وارانہ منافرت تک پاکستان کی تاریخ کن ادوار سے گزری؟ کتاب میں وضاحت کے ساتھ اس کا تذکرہ کیا گیا ہے۔
دنیا کا بدترین صحرا تکلامکان عبور کرنے کی داستان
چین کے لوگ کہتے ہیں ’’یہ موت کا صحرا ہے، آپ اس میں داخل تو ہوسکتے ہیں مگر وہاں سے زندہ سلامت واپس نہیں آسکتے۔‘‘ لیکن تکلا مکان کا یہ صحرا ایک برطانوی جماعت نے کامیابی کے ساتھ عبور کرلیا۔ یہ صحرا سطح سمندر سے پانچ ہزار فٹ بلند ہے اوروہاں بعض ریت کے ٹیلے ایک ایک ہزار فٹ بلند ہیں۔ اس صحرا کو اس سے پہلے کسی نے عبور نہیں کیا تھا۔ پہلی بار ایک برطانوی جماعت نے اسے کامیابی کے ساتھ عبور کیا۔ اس جماعت کا سفر پاکستان سے شروع ہوا اور پاکستان میں ہی ختم ہوا۔ اس سفر میں کیا کیا مشکلات پیش آئیں اور کن کن دشواریوں کا سامنا کرنا پڑا۔ اس انتہائی دلچسپ کتا ب میں اس کی داستان بیان کی گئی ہے۔
