اردو کتاب
لامحدود طاقت: انسانی صلاحیت کے لامحدود امکانات
ہم اپنی زندگی کو کامیابی کے راستے پر کیسے ڈال سکتے ہیں؟ ہم اپنی ناکامیوں کو کامیابی میں کیسے بدل سکتے ہیں ؟ یہ ہے موضوع اس کتاب کا۔ کتاب کا مصنف کہتا ہے کہ زندگی کو اپنی مرضی کا رنگ وروپ دینے کی صلاحیت آپ میں موجود ہے۔ آپ کو اسے نہ صرف اپنے اندردریافت کرنا ہے بلکہ اسے صحیح انداز اور درست طریقے سے استعمال بھی کرنا ہے۔ آپ اپنے اندرکی پوشیدہ قوت کو منضبط کرکے ’’انہونی کو ہونی‘‘ بنا سکتے ہیں۔ آپ اپنی لامحدود پوشیدہ طاقت کو کس طرح استعمال میں لائیں؟ اس کا طریقہ اس کتاب میں تفصیل کے ساتھ بتا یا گیا۔اس کتاب نے بے شمار انسانوں کی زندگی بدل دی ہے۔
قومیں ناکام کیوں ہوتی ہیں
ایک ہی زمانے اور ایک ہی وقت میں موجود قومیں کیوں کامیاب ہوتی ہیں؟ اور کیوں ناکام ہوتی ہیں؟ اس سوال پر ہمارے ماہر معاشیات، ماہرسماجیات اور ماہر عمرانیات غور کرتے رہتے ہیں۔ اس کتاب میں اس سوال کا تجزیہ کرتے ہوئے یورپ، شمالی امریکہ، جنوبی امریکہ، افریقہ اور ایشیاء کے ملکوں کے سیاسی اور معاشی حالات کا جائزہ لیا گیا ہے، اور اعدادوشمار کی مدد سے بتایا گیا ہے کہ جو ملک اور جوقومیں کامیاب ہوئیں، وہ کیوں ہوئیں، اور جو قومیں ناکام ہوئیں اس کی وجہ کیا ہے؟۔ اور ناکام ہونے والی قوموں کو ترقی کا زینہ طے کرنے کے لئے اپنے سیاسی نظام میں کس قسم کی تبدیلیوں کی ضرورت ہے۔
عورت اور مزاحمت
ا س کتاب میں ان عورتوں کی زندگی کا مطالعہ کیا گیاہے جو دفتروں اور کارخانوں میں کام کرتی ہیں۔ یہ عورتیں گھروں اور کارخانوں میں مردوں کے بنائے ہوئے اصولوں ضابطوں اور روایات کا مقابلہ کرتی ہیں۔ کتاب میں خاص طور سے انہی عوامل کا جائزہ لیا گیا ہے جن کے تحت عورتوں کی جسمانی اور ذہنی صلاحیتوں کو زیادہ سے زیادہ پیداواری مقاصد کے لیے ا ستعمال کیا جاتا ہے اس کتاب میں دفتروں اور کارخانوں میں کام کرنے والی عورتوں کے انٹرویوز شامل ہیں۔
امن کی سیاست میں خواتین کا کردار
اس کتاب میں یہ موقف پیش کیا گیا ہے کہ امن کی سیاست میں خواتین کا کردار نمایاں اہمیت رکھتا ہے، خواتین کے مساوی حقوق اور نسائیت کے تصورات کسی قوم کی تعمیر و تشکیل میں فطری یا لازمی عوامل کی حیثیت رکھتے ہیں۔ لیکن کوئی بھی قوم اپنی خواتین کو مردوں کے مساوی حیثیت نہیں دیتی۔ جنگ اور تصادم کی صورت میں ان کی یہ غیر مساوی حیثیت اور بھی نمایاں ہو جاتی ہے۔ اس صورت میں عورتیں کیا کردار اداکرسکتی ہیں؟ اس کتاب میں اس سوال کا جواب تلاش کیا گیا ہے۔
.jpg)