اردو کتاب
مسلمان اور سائنس
مسلمان ملکوں کے ماضی اور حال میں سائنس کا مقام کیا رہا ہے؟ آج اسلامی ممالک میں سائنسی علوم کے ساتھ کیا سلوک کیا جا رہا ہے؟ یہ ہے موضوع اس کتاب کا۔ ڈاکٹر ہود بھائی کا استدلال ہے کہ اسلام اور سائنس میں کوئی تضاد نہیں ہے۔ مسلمانوں کے سنہری دور میں سائنسی علوم میں مسلمانوں نے قابل قدر کارنامے انجام دیے لیکن مسلمانوں کے سیاسی زوال کے ساتھ ان کے علمی اور تحقیقی شعبوں پر بھی رجعت پسندوں اور دقیانوسی طرز فکر رکھنے والوں کا غلبہ ہوگیا۔ کتاب میں ان تمام حقائق کا تاریخی تناظر میں نہایت بے باک تجزیہ کیا گیا ہے۔
نوم چومسکی کے خطبات: ماحولیاتی بحران (ای بُک)
وہ کہتے ہیں ”صورت حال اتنی پیچیدہ اور سنگین ہو چکی ہے کہ اس کے خلاف اب باقاعدہ منظم تحریک چلا نے کی ضرورت ہے۔ ہمارا طرز زند گی ایک غیر مستحکم خاصیت کا حامل ہو چکا ہے۔ خاص طور سے مغربی دنیا اوراور خصوصا شمالی امریکہ میں بلا جواز اصراف وغیرہ نے نہایت سنگین قسم کے سماجی، اقتصادی اور ثقافتی مسائل کو جنم دیا ہے جن پر قابو پانے کی ضرورت ہے۔ لوگوں کو متحد کرنے کے لئے کسی طرح کی بنیادی ساختیں مو جود نہیں ہیں۔ اب وقت آ گیا ہے کہ یہ ساختیں تعمیر کی جائیں۔ بہت سے لوگ ہیں جوماحو لیاتی معاملات میں دلچسپی رکھتے ہیں۔ مگر ان کے در میان روابط کا شدید فقدان ہے۔ اس کے لئے ضروری ہے کہ ان روبط کو بڑھایا جا ئے اور عالمی سطح پر ایک منظم تحریک شروع کی جا ئے“۔
پاکستان: مستقبل کے امکانات
کتاب ’’پاکستان: مستقبل کے امکانات‘‘ ایک رپورٹ ہے جو جنوبی ایشیا اور مشرق وسطیٰ کے سیاسی اور سلامتی امور کے ماہر تجزیہ کار جوناتھن پیرس نے مرتب کی ہے۔ یہ رپورٹ پاکستان کے آئندہ چند سال کے امکانی مستقبل کا جائزہ لیتی ہے۔ چند سال بعد پاکستان کی سیاسی اور معاشی صورتحال کیا ہوگی؟ پاکستان کے سیاسی اور سلامتی کے امور کیا رخ اختیار کریں گے؟ اس رپورٹ میں اس کا جائزہ لیا گیا ہے۔
مذہب، گروہی تعلقات اور تنازعۂ کشمیر
۔”یہ کتاب فیصلہ کن سوال پر میری تحریروں میں سے منتخب کردہ مضامین پر مشتمل ہے، جو میں نے کشمیر کے ابتدائی دوروں کے زمانے سے لکھنا شروع کئے تھے۔ یہ مضامین متعدد ہندوستانی اور بین الاقوامی (زیادہ تر پاکستانی) اخبارات و جرائد، ویب سائٹس اور آن لائن ڈسکشن گروپوں کو بھیجے گئے تھے”۔
پاکستان: برادری ازم، سیاست اور سرپرستی
پاکستان بطور ریاست کمزور ہے تو اس کی سب سے بڑی وجہ برادری ازم ہے۔ نہ صرف اس حوالے سے کہ ملکی وسائل کی لوٹ کھسوٹ میں سیاسی سرپرستی سے یہ جڑی ہے بلکہ اس کی وجہ سے مقامی سطح تک لوگوں کی حتی کہ قانون نافذ کرنے والے اور دیگر اداروں کے اہلکاروں کی وفاداری ریاست کی بجائے برادری سے ہے۔ اور جو اقتدار اعلی ریاست کا حق تھا وہ برادری کو مل چکا ہے۔ یوں یہ کہنا غلط نہ ہوگا کہ مغربی ریاستوں کو سامنے رکھیں تو پاکستان کی تشکیل ریاست کے ابتدائی مراحل میں ہے جہاں ادارے باقاعدہ شکل میں موجود ہیں۔
گھامڑ گورے
اس کتاب نے دنیا بھر میں تہلکہ مچا رکھا ہے۔ یہ کتاب نہیں بلکہ امریکی معاشرہ، اس کی سیاست، صدارتی انتخابات کے طریقہ کار اورعالمی سیاست پر اس کے اثرات کے خلاف فرد جرم ہے۔ یہ ایک شگفتہ اور باغ وبہار قسم کی کتاب ہے۔ ہنسی ہنسی میں وہ تمام باتیں کہہ دی گئی ہیں جنہیں سنجیدگی کے ساتھ کہتے خوف آتا ہے۔ دنیا کی تمام بڑی زبانوں میں اس کتاب کا ترجمہ ہوچکا ہے۔
