Social Issues
انسانی جرائم کی تاریخ
کولن ولسن کی یہ کتاب چھپتے ہی دنیا بھر میں مقبول ہوگئی تھی۔ اب تک اس کے کئی ایڈیشن شائع ہوچکے ہیں۔ اس کتاب میں انسانی تاریخ کے آغاز سے بیسویں صدی کے نصف تک کے واقعات کا ذکر اور ان کا تجزیہ کیا گیا ہے۔ یہ تجزیہ تاریخی اور واقعاتی بھی ہے اور نفسیاتی بھی کیونکہ مصنف کہتا ہے کہ تشدد انسان کی سرشت میں داخل ہے اور انسان نے جب سے اپنی انا کو دریافت کیا ہے اس وقت سے اس نے قتل وغارت گری شروع کردی ہے۔ یہ قتل وغارت سلطنتیں قائم کرنے کے لیے بھی کی گئی ہے اور ذاتی دشمنی اور ذاتی مفاد کے لیے بھی۔ اس کے علاوہ ایک قتل وہ بھی ہے جو محض سنسنی پیدا کرنے کے لیے کیا جاتاہے۔
تشخص اور تشدد
نوبیل انعام یافتہ ماہر معاشیات امرتیا سین نے اس کتاب میں دنیا بھر میں بڑھتے ہوئے تشدد کا ذمہ دار کسی قوم‘ ملک یا نسل کے صرف ایک تشخص پر اصرار کو قرار دیا ہے۔ ان کا خیال ہے کہ دنیا کی کوئی تہذیب یا کوئی ثقافت الگ تھلگ اپنا وجود نہیں رکھتی۔ تمام تہذیبوں نے ایک دوسرے سے سیکھا ہے۔ ہر تہذیب اور ہر ثقافت پر دوسری تہذیبوں کے اثرات ہیں۔ ہم ایک دوسرے کے قرض دار ہیں۔ اگر ہم یہ حقیقت تسلیم کرلیں‘ اور اپنے تہذیبی وثقافتی یکتائیت پر اصرار نہ کریں تو دنیا کے بہت سے جھگڑے ختم ہوجائیں گے۔ امرتیا سین نے اپنے دلائل ثابت کرنے کے لیے انسانی تاریخ کے مختلف ادوار سے مثالیں پیش کی ہیں۔
تہذیبوں کے گورکھ دھندے
ہندو گائے کی پوجا کیوں کرتے ہیں؟ مسلمان اور یہودی سور کو حرام کیوں سمجھتے ہیں؟ قدیم یورپ میں چڑیلوں پر اعتقاد کیوں کیا جاتاتھا؟ اور آج بھی لوگ بھوت پریت کو کیوں مانتے ہیں؟ اس کتاب میں ان سوالوں کے جواب دیے گئے ہیں۔ اور انسانی اعتقادات ٗ توہمات اور انسانی رویوں پر تاریخی پس منظر میں روشنی ڈالی گئی ہے۔
