History
اسطور کی تاریخ
گزشتہ برسوں میں یورپ کے جن مصنفین کو مذاہب کے تقابلی و تاریخی مطالعات پر مبنی تحریروں کی بنا پر عالمی شہرت ملی ان میں کیرن آرمسٹرانگ ممتاز حیثیت رکھتی ہیں۔ ’’اسطور کی تاریخ‘‘ ان کے مذہبی مطالعات ہی کی ایک کڑی ہے، سات مختصر ابواب پر مشتمل اس کتاب میں اساطیر اور اسطوری طرز فکر کی تاریخ اور انسانی زندگی پر اس کے اثرات کو موضوع بنایا گیا ہے۔ کیرن آرمسٹرانگ کے خیال میں اساطیر جھوٹی سچی کہانیاں نہیں ہیں بلکہ وہ نامعلوم سے متعلق ہے۔ یہ اس شے کے بارے میں ہیں جسے ہم ابتداً لفظوں میں بیان کرنے سے قاصر ہوتے تھے۔ یہ ہمیں زندگی گزارنے کا سلیقہ سکھاتی ہیں، یہ ہمیں ایک دوسرے منطقے کی خبر دیتی ہیں جو ہماری دنیا سے ملحق اور ایک دوسرے کو سہارا دیئے ہوئے ہے۔
امریکا مشرقِ وسطیٰ میں: 1776 سے 2003 تک
مشرقِ وسطیٰ کے ساتھ امریکہ کے تعلقات کسی نہ کسی حوالے سے اس وقت سے رہے ہیں جب اس نے برطانیہ سے آزادی بھی حاصل نہیں کی تھی۔ اس وقت تک امریکی، تاجر مشرق وسطیٰ کے ملکوں کے ساتھ تجارتی روابط رکھتے تھے۔ابھی تک مشرق وسطےٰ کے ملک قبائلی سرداروں یا نیم بادشاہی نظام کے زیر تسلط تھے۔ بحری قزاق وہاں جانے والے تجارتی جہازوں کو لوٹ لیا کرتے تھے۔ آزادی سے پہلے امریکی بحری جہاز برطانوی بحری بیڑے کی حفاظت میں وہاں جاتے تھے۔ آزادی کے بعد امریکہ نے خود اپنا بیٹرا بنایا۔ اس کے ساتھ ہی امریکہ نے اس علاقے میں صرف تجارت کو ہی فروغ نہیں دیا بلکہ اپنا تسلط بھی قائم کرنا شروع کر دیا۔مشرق وسطیٰ میں امریکی مہم جوئی کی تاریخ وار تفصیل اس کتاب میں بیان کی گئی ہے۔ اس کے ساتھ ہی عرب اور اسرائیل کے تنازعے کو بھی تاریخی تناظر میں پیش کیا گیا ہے۔
